♪♬♪♬♪♬ بگو بادی که میلس مال یاره / بر اخباری ار اخباری نیاره ز شوگار درازُم سوز و سازُم / ز دل توریکی ام وا آستاره بگو زندی ولی وا یاد پاره / ز داغت هر مکونی بوم مزاره بالا بختت چه کردی واس و رهدی / که قیتس هَرس و وردس هی بلاله پیامی، سَهدی (نصیحت و سفارش)، حرفی، سراغی / میر مالت قلم کاغذ نداره میر خو ایبروم وا قرص کهنی / قرارُم مر به صد درجن سگاره تیا خَرسین ز دینت تا قیومت / یکیشو خو یکیش هر شو بیاره تو که رهدی غرورُم رهد و دل مرد (لر تی وی) / گل باوینه هم چی لشک هاره وه لو آهی، وه دل داغی، شرینوم / وه کامُم شهد و عاسل زهر ماره ز کو گل وا گروم بو ترنه هاته / بگو رنگ لوت چی کو اناره مو مندیرُم و خوم دونُم نیوهی / تو او کوگی که دورت صد حصاره تو خوش بویی بسه دورت بگردُم / مو هم ایگوم یو بازی روزگاره ♪♬♪♬♪♬
ای دل ای دل، ای دل، ز دیریت نازنینُم بیدُم آخر / بلیطی بی پر و بی برگ و شاخُم نازنینُم ز داغ روزگار و حرف مردم / همی روزا یه بندی اینوم به نا خوم راحت ایبوم وای به دل خراوُم زمستون بید و تاریکی و شو بید / ولات جون مو باز پر ز تِو بید ز روزگار اعصاوُم خرو بی / مون و ای دل بیار دنیا به خو بی، بهل بمیرُم
گدوم ای رفیق شو نشینُم / دو چنده زرد غم هد مین سینه م بگر گوش تا بگوم درد دلامه / تو دونی معنی ای غزلامه
تو دونی زندیمه کی خرو کرد / عزیزترین کسُم، روزمه شو کرد آی بی مروت، بی مروت همه حرفاس درو، خنده س ریا بی / ز روز اولی هو بی وفا بی همه عاشقیاس در حد حرف بی / مو شون ساده و هو گرگ برف بی آی جیَرُم خینه دلوم از زنده بیدن سیره دایه / به زندون پلت زنجیره دایه آی به دل کواوُم کُرت دا درد بی درمون گرهده / تیا کالس ز ویرُم نیره دایه
دل ای بیو گوش بگر بیو دیه بس کن / خوته زندان بکن خوته قفس کن بمهن تا عمر دِوری مین سینه / دل اشکنده دی سیچنه کینه